Geguritan puisi jawa terorisme ora isis

Friday

Ora Isis

Sumribrite angin wus gusis

ora isis

kaya nalika aku lungguh

sapinggire kalen kulon omah

Sinambi nyedhot udud klobot

Mau Tambahan uang gan? Klik Di Sini

Angin wengi iki rumangsaku beda

Gandane arum

nanging ana saperangan crita bacin

kang njumbul

Nutupi utek lan jerone ati

Crita kang ngandharake,

nalika sikil wus ora bisa jegang

Nalika cangkem wus ora bisa mangap

Kesumpel swara swarga saka abab

kang wiwit mambu pengap

merga sujude bathuk samburine granat

Oo.. Gusti,

sedabrek Maha-Mu

timbanen mudhun menyang bumi

amrih gawe rasa asih

gilo,

anggitan-Mu wus padha edan

ora gawe katentreman

malah padha dhisik-dhisikan

nyulayani liyan

Benere mung awakke dhewe

yen ana salah kuwi wong liya

kang beda kudu ditekuk

supaya padha kenceng

mlaku bareng

nanging yen ora gelem

pluru climen bisa nancep

sapinggire idep

Oo.. Silire angin sumribrit ing mangsa iki

wus ora isis

kaya nalika aku lungguh sila

sapinggire reca kana

kang dadi sawijining sulihsalira

-Mu


dening : bisri nuryadi

Share :

Facebook Twitter Google+