Playune Manuk Emprit
Menyang ngendi playumu, Prit?
Aku kangen nginjen grombolanmu
esemu ngece nalika krikilku luput
Pengin dak plintheng maneh awakmu, Prit.
Prit, Menyang
ngendi playumu?
Apa merga kowe
murka marang aku?
sedulurmu dak
nggo lawuh saben dina?
Sepurane Prit.
Iki Prit, Aku gawa gabah satenggok
Bakal dak sebar ing pelataran ciut iki
Gek ndang mblandhang rene prit, aja mampir
sawah
Merga sawahmu wis dadi aspal endah.
Lampu
bangjo
Dalan-dalan katon kobong
Sumpeg tur mlepeg
Pirang-pirang knalpot bengak-bengok
Lampu ra gek ndang ijo
Dawane ngluwihi antrine E-KTP
Dak deleng wong gendhut ngguyu
Ing omah cilik apik sapinggire bangjo
Lheyeh-lheyeh nglaras kepet-kepet yatra
Aja
menyang Jakarta
Penggaken yogamu
Aja gelem dijak bang Jeki
Sumuke bisa nglunturake watak
bubrah cacad bakalan prawanmu
kauntal ndhedheting kutha
Penggaken yogamu
Aja gelem dijak
bang Jeki
Pendhak-pendhak
ngombe peceren
Kapusan manise
bratawali
Cipta manunggal
mesthi pralaya
Kabeh dietung
sarwa angka
2012
sasisihe kendhi
0 Komentar untuk "nulis geguritan "