Teles
Gung liwang-liwung
toya megung
ayo ambyur
ambyur.. teles.. kebes..
mumpung udane deres
deres, kaya dhene netra
kang lagi mbrebes
netrane sapa?
yen ora netrane pakdhe tukimin
kang manggon ing gubuk
krengkat-krengket
sak-kukupan yoga lan semahe
Bensin
pitung liter bensin
nate dikanthongi
ana njero ati
kang wus ketuncep eri
iki dudu bensin subsidi
utawa non subsidi
ananging bensin swara
kang wus dicurake
ana kothak suci
kang dijaga para abdi negara
kanggo rebutan kursi pangembating praja
Nanging
saiki,
pitung
liter bensin wus gusis
lan
eri uga kelarung
ing
segara kidul
dadi
amung bisa nunggu wangsit
sinambi
turu njingkrung
kinemulan
sarung
Kursi
Ing abad sewelas
Ratu Air Langga
lengser kursi
ngenger dadi resi
nyegur ing wana
lan nglaku nyepi
Kursi
kang ilang
bisa
tuwuh sepi
nanging
uga bisa
thukul
kawicaksanan
Emane,
ing jaman sangar iki
padha nyirik nyepi
kepara njunjung kursi
Yen
wis mangkene
Manungsa
ora bakal
bisa
nyawang
Sejatine
pribadhi
Dening : Bisri Nuryadi
0 Komentar untuk "Geguritan Politik"