sejatining urip iku mung golek
katentreman dudu kasenengan, ananging kasenengan iku ya prelu supaya uripe dadi
kamulyan, bisa seneng, lan nglipur awake dhewe rikala nandhang kasusahan. Kasenengan iku uga
dudu siji-sijine sumber kamulyan, nanging yen ora ana katresnan bakal nuwuhake
kasangsaran. Dadi kena duwe kasenengan nanging aja nganti lena kuwajiban utama.
Kasenengan nduweni maneka warna jinis, wiwit saka olahraga, ingon-ingon kewan
nganti tekan munggah gunung. Kanthi kasenengan iku mau urip bisa dadi luwih
endah, bisa ngadohake saka pikiran sing abot lan bisa kanggo ngaso ngleremake
awak.
Cathetan
PIDHATO
-Pidhato punika medharaken gagasan
wonten sangajenging tiyang kathah wonten satunggaling adicara tinemtu, amrih
tiyang kathah mangertos suraosipun kanthi ancas ngajak, nakenaken, paring
katrangan lan ngremenaken asanes.
-Amrih saged nampi isining pidhato
ingkang kasemak, ingkang kedah katindakaken inggih punika:
1) Nggambaraken salebeting pikiran.
Kanthi nggambaraken kasebat saged ndhapuk citraan, ingkang langkung
nggampilaken isining pidhato
2) Ngempalaken katrangan. Rikala
nyemak kedah ngempalaken katrangan manawi isining pidhato kalawau arupi
pethilan-pethilan katrangan, arupi pambandhing katrangan ingkang beda.
3)Ngajokaken pitakenan. Pitakenan
ingkang dipun kajengaken werni kalih, inggih punika pitakenan amargi dereng
cetha, ingkang kaping kalih pitakenan ingkang nuntun isining pidhato
4)Manggihaken pola organisasi
informasi. Amrih langkung gampil dipun mangertosi pola informasi punapa ingkang
dipunginakaken ( deskripsi, urutan, pambandhing, sebab akibat lsp)
5)Nyathet katrangan ingkang wigatos.
Kangge nggampilaken nampi isi pidhato saged kacathet kanthi bagan, utawi
cengkorongan
6)Munjeraken kawigatosan/memusatkan
perhatian.Nggatosaken salebeting nyemak pidhato kedah nyakup babagan
tembung/verbal lan visualipun. solah bawa lan praupanipun ingkang pidhato
supados langkung enget, pramila nilai TV langkung gampil enget tinimbang namung
nyemak radhiyo.
A. Semaken pidhato sing diwacakake lumantar audio ing kelas iki!
Tanggap Wacana Marang Kanca sing Ambal Warsa
Assalamu’alaikum
Wr. Wb.
Panjenenganipun
bapak-bapak, ibu-ibu tamu undhangan siswa-siswi SMA Jaya Siswa, sarta para
rawuh ingkang dahat kinurmatan. Langkung-langkung katur sedherek Rahma Astiti ingkang satuhu bagya mulya. Para kadang mudha - mudhi ingkang tansah tinangkeban
raosing kekadangan rinaket ing kekancan. Langkung rumiyin sumangga kula
dherekaken ngonjukaken puja-puji syukur dhumateng Gusti Allah sesembahaning
kawula ingkang sampun kepareng paring pinten-pinten kanugrahan pramila ing
dinten ambal warsanipun kadang Rahma Astiti, saged hangrawuhi saha saged
makempal sesarengan ing mriki, lan
ngaturaken agunging panuwun dhumateng kadang panatacara ingkang karaya-raya sampun
kepareng paring wekdal dhumateng kula.
Ingkang wigatos tansah tambah pinter punapa kemawon kalebet pinter
kekadangan, tambah diwasa anggen sesrawungan, mirah rejeki, salajengipun kula
ngaturaken agunging panuwun dhumateng kadang Rahma Astiti, ingkang sampun
kanthi longgaring penggalih paring uleman utawi paring kabar supados ndherek
mangayubagya wonten ing dinten ambal warsanipun, ateges kadang Rahma
Astiti taksih kengetan dhumateng kula
lan kanca-kanca sarta ngakeni bilih kula
punika taksih kalebet sumitranipun, semanten ugi kula mawantu-wantu tansah
nyuwun agunging samodra pangaksami, awit wonten ing wekdal ingkang sae punika
kula mboten saged ngaturaken tetalining sih ingkang aji.
Bapak-bapak . Ibu-ibu lan para tamu undangan sedaya ingkang satuhu
kinurmatan. Hambok manawi namung cekap semanten ingkang dados atur kula,
sepisan malih sugeng ambal warsa mugi-mugi tansah pinaringan dirgayuswa lan
saya tambah kreatif, lan dadosna piwucal tahun-tahun ingkang sampun kalampahan,
lelampahan ingkang kirang prayogi ingkang sampun kalampahan kaanggepa minangka pengalaman ingkang pahit,
nanging kadadosna minangka pamecuting gegayuhan.
Mekaten atur saklimah saking kula
minangka sulihipun kadang-kadang siswa-siswi SMA Jaya Siswa. Nyuwun agunging
pangapunten manawi wonten lepating atur kula, kiranging suba sita miwah tumpang
suhing basa lan sastra, kula lan nyenyadhong agunging samodra pangaksami Wr. Wb.
Bausastra
Climen:
-Tanggap wacana: pidhato: sesorah -Ambal
warsa: Ulang taun -dahat:
banget
-Bagya : seneng -tuwin:
lan : karo -nedheng: ngepasi
-uleman: undangan -sumitranipun;
sedherekipun
-tetalining sih: tandha tresna -
Suba sita: tatakrama
B.
Ganepana ceceg-ceceg ing ngisor iki amrih mathuk
karo isine tanggap wacana kasebut !
Ana ing tanggap wacana kasebut, sing dikarepake tanggap wacana iku padha
karo (1) . . . . Anggone tanggap wacana kawiwitan (2) . . . yaiku assalamu’alaikum wr.
wb. Sabanjure ana ing perangan pambuka nyakup (3) . . . marang bapak-bapak,
ibu-ibu tamu sing rawuh. Dene sing ambal warsa yaiku (4) . . . diaturi pakurmatan bagya
mulya. Ora lali sing rawuh didherekake (5) . . . marang Gusti Allah, jalaran wis paring (6) . . . kanthi
mangkono bisa ngrawuhi adicara mau. Sing tanggap wacana atur panuwun marang (7)
. . . sing maringi wektu.
Dene perangan isi sing tanggap wacana, matur manawa ora bisa (8) . . . barang kang aji marang sing
ambal warsa. Bisane amung ngaturake (9) . . . sing kaping wolulas muga-muga
(10) . . . lan akeh rejeki. Kajaba iku atur panuwun awit sing ambal warsa
paring (11) . . . supaya
melu mangayubagya dina (12) . . . sing ateges isih (13)
. . . minangka kanca.
Perangan panutup sing tanggap wacana matur (14) . . . ature lan mbaleni ringkese
atur, ora lali (15) . . . amarga kaluputane atur,
banjur dipungkasi salam panutup.
C.
Tulisen
kanthi ringkes isine tanggap wacana kasebut !
- Perangan pambuka
a) ........................................................................................................................
b) ........................................................................................................................
c) ........................................................................................................................
- Perangan isi
a) ........................................................................................................................
b) ........................................................................................................................
c) ........................................................................................................................
d) ........................................................................................................................
e) ........................................................................................................................
- Perangan panutup
a) ........................................................................................................................
b) ........................................................................................................................
c) ........................................................................................................................
D. Critakna ringkesaning tanggap wacana kasebut
ana ing ngarep kelas, nganggo basa ngoko (basamu dhewe) dadi sepuluh ukara bae,
prayogane korantam ana ing ngisor iki!
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.......................................................................................................................................................
.....
0 Komentar untuk "Materi Bahasa Jawa Pidato/Sesorah lengkap dengan pertanyaan"